ສະບາຍດີຈາກ Frankkung, Platform ນີ້ເປີດໃຫ້ຜູ້ທີ່ສົນໃຈດ້ານຄວາມປອດໄພເຂົ້າມາເຝິກຝົນທັກສະການແກ້ໄຂບັນຫາດ້ານ Cyber Security ຫຼືເອີ້ນງ່າຍໆວ່າຫຼິ້ນ CTF
Capture The Flag ເປີດໃຫ້ມີການແຂ່ງຂັນກັນທົ່ວໂລກເປັນປະຈຳ ແລະຂ້າພະເຈົ້າເອງກໍ່ຢາກສ້າງລະບົບນີ້ຂຶ້ນມາເພື່ອກະຕຸ້ນໃຫ້ໝູ່ເພື່ອນໄດ້ລອງສຳຜັດກັບ CTF ແລະຮຽນຮູ້ສິ່ງໃໝ່ໆເພື່ອທີ່ຈະສາມາດນຳເອົາຄວາມຮູ້ຈາກການຜ່ານໂຈດຕ່າງໆໃນນີ້ໄປປະຍຸກໃຊ້ກັບໜ້າວຽກຂອງທ່ານ.
ໂຈດຈະມີຄວາມຫຼາກຫຼາຍທັງຮູບແບບ ແລະຄວາມຊັບຊ້ອນ, ຍິ່ງຊັບຊ້ອນຍິ່ງຄະແນນຫຼາຍ ແລ້ວທາງທີມງານຈະມີການເພີ່ມໂຈດມາໃໝ່ມາເລື້ອຍໆ.
ໂຈດທີ່ຢູ່ໃນ Level-UP Platform ຈະມີຢູ່ທັງໝົດ 6 ໝວດດັ່ງນີ້:
WEB : ໂຈດກ່ຽວກັບຄວາມປອດໄພ Web Application
CRYPTO : ໂຈດກ່ຽວກັບການແກ້ໄຂບັນຫາກ່ຽວກັບການເຂົ້າລະຫັດ
FORENSICS : ໂຈດດ້ານນິຕິວິທະຍາ ການແກະຮອຍ ແລະ ຄົ້ນຫາກົກປາຍສາເຫດຂອງຄວາມຜິດປົກກະຕິ
PWNABLE : ໂຈດເຈາະເຂົ້າສູ່ Server ແລະ ຄວບຄຸມເຊີເວີຈາກໄລຍະໄກ
REVERSE ENGINEERING : ໂຈດດ້ານການເຮັດວິສະວະກຳຍ້ອນກັບແກະໂປແກມມາເພື່ອຫາຂໍ້ມູນລັບທີ່ຢູ່ໃນນັ້ນ
MISC : ໂຈດຄວາມຮູ້ທົ່ວໄປຂອງ Computer
ຖ້າຫາກທ່ານຜ່ານໂຈດເຖິງເກນທີ່ທີມງານ Lao Hacker ກຳນົດ, ພວກເຮົາຈະມີຂອງຂວັນໃຫ້ກັບຄວາມພະຍາຍາມຂອງທ່ານເປັນເສື້ອ Level-UP by Lao Hacker ສ່ວນຈະເປັນແນວໃດນັ້ນຕິດຕາມໄດ້ຢູ່ Facebook page: Lao Hacker ເດີ້
ຖ້າຫາກທ່ານເບື່ອໃນການເປັນຜູ້ຫຼິ້ນທ່ານສາມາດຮ່ວມສົ່ງໂຈດເຂົ້າສູ່ platform ຂອງພວກເຮົາໄດ້ ແຕ່ຕ້ອງຜ່ານການຣີວິວຈາກທີມງານເຮົາກ່ອນ
ສຸດທ້າຍນີ້ຂ້າພະເຈົ້າ Frankkung ຂໍໃຫ້ທ່ານໄດ້ມ່ວນກັບໂຈດຕ່າງໆທີ່ພວກເຮົາໄດ້ກະກຽມໄວ້ໃຫ້ ແລະຖ້າມີຈຸດໃດທີ່ຕ້ອງການໃຫ້ປັບປຸງສາມາດທັກ Inbox ຫາພວກເຮົາໄດ້ຢູ່ທີ່ facebook page ໄດ້ເລີຍເດີ້
ຮັກແພງ,